Ang founder sa Alibaba Group nga si Jack Ma, kinsa mitabang sa paglusad sa online retailing boom sa China, miresign isip chairman sa pinakadako nga e-commerce company sa kalibutan niadtong Martes sa panahon nga ang paspas nga nag-usab-usab nga industriya niini nag-atubang og kawalay kasiguroan taliwala sa gubat sa taripa tali sa US ug China.

Si Ma, usa sa pinakadato ug labing nailhan nga negosyante sa China, miundang sa iyang pwesto sa iyang ika-55 nga adlawng natawhan isip kabahin sa usa ka sunod-sunod nga gipahibalo usa ka tuig ang milabay. Magpabilin siya isip miyembro sa Alibaba Partnership, usa ka grupo nga gilangkuban og 36 ka miyembro nga adunay katungod sa pagnominar sa mayoriya sa board of directors sa kompanya.

Si Ma, usa ka kanhi magtutudlo sa Ingles, nagtukod sa Alibaba niadtong 1999 aron ikonektar ang mga tig-eksport sa China ngadto sa mga retailer sa Amerika.